Azpiegitura aurreratuak

Euskadiko eraldaketa ekonomikoa, energetikoa eta teknologikoa bizkortzeko azpiegitura estrategikoak bultzatzea

AZPIEGITURAK, TRANTSIZIO ENERGETIKOA, DIGITALIZAZIOA, INBERTSIOA, EUSKADI ERALDATUZ 2030

Helburua

Inbertsio publiko-pribatua mobilizatzea, Euskadiren lehiakortasunari, erresilientziari eta eraldaketa ekonomikoari lagunduko dioten azpiegitura aurreratuak eta aktibo estrategikoak garatzeko, lurraldean egiturazko eragina duten epe luzeko proiektuak bultzatuz.

Deskribapena

Azpiegitura Aurreratuetan Inbertitzeko Programa, Euskadi Eraldatuz 2030 programaren esparruan, diseinatuta dago azpiegitura estrategiko eta gaitzaileen gaineko inbertsioa bultatzeko sortzen da, halako moldez non Euskadin indartu egingo baitira autonomia estrategiko europarra, trantsizio energetikoa, eraldaketa digitala eta konektagarritasun aurreratua.

Programak hazkunde ekonomikoa, industria-lehiakortasuna, berrikuntza teknologikoa eta jasangarritasuna sortzeko gai diren inbertsio eraldatzaileak bultzatu nahi ditu, baliabide publikoak eta pribatuak konbinatuz, lankidetza publiko-pribatuaren eskemari jarraiki. Helburua sozietate kudeatzaile bakar bat edo sozietate kudeatzaile espezializatu batek edo batzuek osatutako partzuergo bat hautatzea da, inbertsio gehigarria egituratu, erakarri eta Euskadiko lehentasun estrategikoei lotutako azpiegitura aurreratuak garatzera bideratutako inbertsio-funts edo -plataforma bat kudeatzeko.

Jarduera, halaber, Euskadi 2030 Industria Planaren helburuen barruan sartzen da, Euskadiren trantsizio energetikorako, digitalizaziorako eta autonomia estrategikorako funtsezko azpiegiturak garatzen lagunduz.

Nori zuzendua

Programa arrisku-kapitaleko erakundeak Espainian merkaturatzeko baimena duten sozietate kudeatzaileei zuzenduta dago, baldin eta partaidetza nagusiki pribatua eta erabakiak hartzeko kontrol eraginkor autonomoa badute. Hautatutako kudeatzaileak finantza-kaudimen sendoa eta esperientzia sendoa izan beharko ditu azpiegitura-funtsen kudeaketan, bai eta gobernu onaren, gardentasunaren, IGG printzipioen eta lurralde-inpaktuaren printzipioen arabera jarduteko gaitasuna ere.

Azpiegitura Aurreratuetako Inbertsio Funts berria Euskal Autonomia Erkidegoan eragin zuzena duten azpiegituretan inbertitzera bideratuta egon beharko da, tamaina ertainekoak, bideragarriak, errentagarriak eta Euskadin errotuta daudenak edo eragin estrategikoa dutenak. Ibilgailuak 400 milioi euroko gutxieneko ondarea behar izango du, eta INDARTUZen konpromisoa izango da guztizkoaren % 25 eta % 49 bitarteko ekarpena egitea, betiere funtsean partaidetza nagusiki pribatua bermatuz.

Hautatutako kudeatzaileen kudeatzaileak edo partzuergoak kapital pribatu gehigarria mobilizatu beharko du, proiektu eraldatzaileetarako inbertsioen zorroa egituratu eta kudeatu beharko du, azpiegitura aurreratuak eta eragin zuzena izango duten EAEko industria-sare lehiakorrean, autonomia estrategiko europarraren esparruan osatutakoa.

Sozietate kudeatzailearen baldintzak

Erakunde eskatzaileek honako hauek egiaztatu beharko dituzte, besteak beste:

Sozietate kudeatzaileak (IKIESK, IKESK edo baliokide europarrak), behar bezala eratuta eta baimenduta daudenak (CNMV edo EB), partaidetza nagusiki pribatua dutenak, kontrol eraginkor pribatua eta erabakiak hartzeko autonomia egiaztatzen dutenak.
Talde kudeatzaileko gutxienez bi (2) kidek (bazkideak edo zuzendariak direnak) eduki beharko dute (i) gutxienez 10 urteko esperientzia esanguratsua azpiegitura-aktiboak sortzen, egituratzen eta kudeatzen, aktibo errealetan inbertitzen, eta pareko sektore edo proiektuetan lan egiten.
Gutxienez kide batek Euskal Autonomia Erkidegoan (EAE) egindako aktiboen kudeaketan edo inbertsioetan esperientzia egiaztatua izatea.
Funtsaren ondare objektiboaren gutxienez %1 ekartzeko konpromisoa.
Kudeaketa-komisioa gehienez: %1,5.

Funts edo AKSaren baldintzak

Inbertsio-ibilgailuak honako hauek bete beharko ditu:

Partaidetza nagusiki pribatua, partaidetza publiko zuzena zein zeharkakoa kontuan hartuta.
Euskadiko industriaren lehiakortasun-sarean eragin zuzena duten aktibo eta azpiegitura aurreratuetan inbertitzea, besteak beste, energia-trantsizioari, eraldaketa digitalari, azpiegitura zientifiko-teknologikoei, garraio jasangarriari eta logistikari lotuta. Gehienbat, Brownfield edo Yellowfield aktibo operatiboak,baina inbertsio-estrategia osatzeko eraikuntza berriko proiektuetan (Greenfield) inbertitzeko aukera egongo da.
Inbertsioa nagusiki kapital-tresnen edo tresna hibridoen bidez.
Euskadiko gutxieneko inbertsio-konpromisoa: Euskal Autonomia Erkidegoari (EAE) lotutako aktibo eta azpiegituren gaineko inbertsioetara gutxieneko zenbatekoa INDARTUZ ekarpenaren bikoitza izan beharko da. Edonola ere, ziurtatu beharko da inbertsio hori Euskal Finantza Aliantzako kideen konpromiso guztien % 100era iristen dela, eta edozein kasutan, inbertsio guztien gutxienez % 50 bideratu beharko da EAEri lotutako aktibo eta azpiegituren gaineko inbertsioetara.

Horrez gain, Oinarrietan jasotako gainerako betekizun, baldintza eta betebeharrak bete beharko dira, bereziki Inbertsio-Konpromisoaren Gutuna formalizatzeari dagozkionak.

Ebaluazio-irizpideak

Balorazio- eta ponderazio-irizpideak, Programaren Oinarrietan zehazten direnak, honako kategoriatan egituratzen dira:

Inbertsio Tesia eta Estrategia Operatiboa: inbertsio-estrategiaren sendotasuna, Euskadi Eraldatuz 2030en helburuekin bat etortzea eta kapitala azpiegitura eraldatzaileetara bideratzeko gaitasuna. Karteraren estrategia eta osaera, arriskua kudeatzeko eta arintzeko mekanismoak, eragiketak sortzeko eta gauzatzeko gaitasuna, aliantza-sarea eta merkatuaren ezagutza, bai eta inbertsio-egutegiaren bideragarritasuna eta kapitalaren hedapena ere.
Talde Kudeatzailearen Esperientzia eta ibilbidea: inbertsio-ziklo osoan esperientzia, bereziki Euskadiko azpiegituretako inbertsioaren esparruan; lortutako errentagarritasuna eta emaitza neurgarriak; taldearen gaitasuna, lidergoa eta kohesioa; erreferentziak eta ospea, bereziki euskal esparruan.
Inpaktu Geografikoa Euskadin: Euskadin eskatutako gutxienekoa baino inbertsio-konpromiso handiagoa aurkeztea; eta EAEko presentzia fisikoa, egitura operatiboa eta tokiko taldea.
Irizpide Ekonomikoak eta Inbertsio-Konpromisoak: proposamen ekonomikoaren lehiakortasuna; erakunde kudeatzailearen gutxieneko ekarpena funtsean; kapital gehigarria erakartzeko egiaztatutako gaitasuna.
Inpaktua eta Jasangarritasuna (IGG): IGG irizpideekin eta Euskadiko trantsizio estrategikoekin bat datorren ikuspegia; IGG irizpideen integrazioa, neurketa eta adierazpen gaitasuna; genero-berdintasunaren sustapena taldean, bereziki zuzendaritza-postuetan.
Gobernantza eta Reporting-a: gobernu-egitura eta inbertitzaileen parte-hartzea; reporting-sistemaren eskatutako KPIen kalitatea, maiztasuna eta sendotasuna.

Proposamenak aurkeztea

Interesa duten erakundeek, Oinarrietan adierazitakoaren arabera, beren proposamena bidali ahal izango dute helbide honetara: indartuz@ivf-fei.eus. Hautagaitzak aurkezteko epea 2026ko urriaren 13ra arte egongo da zabalik, barne.

Helbide berera bidali ahal izango dira oinarri eta prozesuari buruzko kontsultak. IVFk aldian-aldian argitaratuko ditu kontsulta horien erantzunak, prozesuaren gardentasuna eta berdintasuna bermatzeko.

Programan parte hartzeko behar den dokumentazioa Programaren Oinarrietan zehaztuta dago.

Azpiegitura aurreratuen gaineko inbertsio-programari dagokion arrisku-kapitaleko sozietate kudeatzailea hautatzeko prozesua arautzen duten Oinarri Orokorrak. (2026ko urriaren 2an eguneratuak)
Argibide-eskaeren erantzunak. (2026ko urriaren 2ko bertsioa)